Գիտե՞ք, երբ բարձր ամբիոնից հնչում են բառեր, որոնցից միաժամանակ փչում է և՛ գլամուրային երազանքի, և՛ վառոդի հոտը, դա արդեն մտահոգիչ է։ Իսկ երբ այդ բառերն արտասանում է վարչապետը, դա պարզապես մտահոգիչ չէ, այլ ստիպում է ավելի լայն բացել աչքերն ու միացնել ուղեղը։ Որովհետև այն, ինչ մեզ մատուցեցին որպես նոր քաղաքական մանիֆեստ, իրականում ավելի շատ պետության փուլային կազմաքանդման ծրագրի է նման։ Եվ ես հիմա չեմ չափազանցնում․ պարզապես կարդում եմ ասվածի տողերի արանքում թաքնված ենթատեքստը։

Մեր աչքի առաջ տեղի է ունենում մի բան, որը պատմության դասագրքերում կամ պետական ողբերգություն կանվանեն, կամ ազգային դավաճանություն։ Ժամանակը ցույց կտա, թե այս օրերի իրադարձություններն ինչ բնորոշում կստանան։ Բայց այն, ինչ տեղի է ունենում հենց հիմա, պահանջում է անհապաղ արձանագրում, վերլուծություն և, իհարկե, դիմադրություն։

Հայաստանում կառավարման համակարգում պաշտոնյաների նշանակման համար մասնագիտական կարողությունները այդքան էլ որոշիչ չեն։ Գլխավոր հատկանիշը, որին թեկնածուն պետք է համապատասխանը՝ հավատարմությունն է։ Իշխող «Քաղաքացիական պայմանագիր» կուսակցությունը խորհրդարանի Առողջապահության հարցերի մշտական հանձնաժողովի նախագահի պաշտոնում առաջադրել է պատգամավոր Լուսինե Բադալյանի թեկնածությունը։ Այս որոշումը կակիստոկրատիայի վառ օրինակ է՝ այնպիսի համակարգի, որտող իշխանությունը բաշխվում է ոչ թե մասնագիտական կարողությունների, այլ անձնական նվիրվածության սկզբունքով՝ անկախ մասնագիտական որակավորումից։

Վերջերս «Հանրային տրիբունալը» հրապարակել էր նյութ՝ նվիրված Ազգային ժողովի պաշտպանության և անվտանգության հարցերի մշտական հանձնաժողովի նորանշանակ նախագահ Վիլեն Գաբրիելյանին։ Մենք այն ժամանակ կասկած էինք հայտնել նրա մասնագիտական պատրաստվածության վերաբերյալ։ Մտածում էինք՝ գուցե սխալվում ենք, գուցե մարդը պարզապես դեռ չի բացահայտվել։ Բայց արի ու տես՝ ոչ։արոն Գաբրիելյանի՝ CivilNet-ին տված հարցազրույցը ոչ միայն լիովին հաստատեց մեր ամենամռայլ սպասումները, այլև, պատկերավոր ասած, գերազանցեց դրանք։

ՀԱՊԿ-ում Հայաստանի անդամավճարները չվճարելու պատճառով ձայնի իրավունքից զրկվելու հնարավորության և հետագայում կազմակերպությունից հեռացվելու սպառնալիքի ֆոնին «Ուժեղ Հայաստան» խմբակցության պատգամավոր Էդգար Ղազարյանը լրագրողների հետ զրույցում կտրուկ գնահատական է տվել իշխանությունների քաղաքականությանը՝ պնդելով, որ Հայաստանը հայտնվել է «անհասկանալի իրավիճակում»՝ սեփական անհետևողական և հակասական քայլերի պատճառով։