Իրականացան 99% - ով ․ ինչու Նիկոլ Փաշինյանն անտեսեց ՀԱՊԿ-ի նախազգուշացումները
27.12.2020. EADaily.
Վատիկանում Հայաստանի նախկին դեսպան Միքայել Մինասյանը պնդում է, որ Լեռնային Ղարաբաղում վերջին պատերազմի սկսվելուց 26 օր առաջ Հայաստանի իշխանությունները ՀԱՊԿ-ից գաղտնի փաստաթուղթ են ստացել, որում նախազգուշացում է եղել առաջիկա պատերազմի, դրա բնույթի մասին, ինչպես նաև առաջարկ է եղել կանխարգելիչ ռեժիմում դաշնակիցների օգնությունը հայցել:
"Պատերազմի սկսվելուց 26 օր առաջ ՀԱՊԿ գլխավոր քարտուղար Ստանիսլավ Զասը նամակ է հղել Հայաստանի Անվտանգության խորհրդի քարտուղար Արմեն Գրիգորյանին, որին կցել է փաստաթղթերի փաթեթ՝ ՀԱՊԿ շրջանակներում ռազմաշտաբային զորավարժություններ անցկացնելու առաջարկով։ Զորավարժությունների սցենարում նկարագրվում էր պատերազմը, որին պետք է պատրաստվի Հայաստանը, և կոչ արեց մինչև պատերազմի սկսվելը դիմել ՀԱՊԿ-ին",- հայտարարեց Մինասյանը։
Նրա խոսքով՝ նամակում ասվում էր, որ Հայաստանում 2019 թվականից գործում են գաղտնի գործակալական ցանցեր՝ բաղկացած ահաբեկիչներից, որոնք պատրաստվում էին պատերազմի ժամանակ տեղեկատվական և ռազմական ահաբեկչություններ իրականացնել։ Ընդգծվում էր, որ 2018 թվականից ի վեր ռազմական բալանսը խախտվել է հօգուտ Ադրբեջանի, իսկ Նախիջևանում դիրքային զիջումները "ռազմավարական խնդիրներ են ստեղծել Հայաստանի և Արցախի անվտանգության համար":
"Նույն փաստաթղթում նկարագրված էր, որ Հայաստանն արդեն երկու տարի պարտվում է տեղեկատվական և դիվանագիտական պատերազմում և նրան խայտառակ պարտություն է սպասվում։ Նույն նամակում գրված էր, որ հաշվի առնելով բոլոր խնդիրները ՝ Հայաստանն ու Արցախը կռվելու են Ադրբեջանի և Թուրքիայի դեմ, և այդ երկու երկրները Սիրիայից վարձկան-ահաբեկիչներ են ներգրավելու",— հայտարարեց Մինասյանը՝ ընդգծելով, որ Նիկոլ Փաշինյանը" գիտեր, թե ինչ է լինելու"։
"Նամակն ու դրան կից փաստաթղթերը դիվանագիտական նախազգուշացում էին, որն իրականացավ գրեթե 99 տոկոսով։ Դա ուղղակի մեսիջ էր Հայաստանի գործակալական իշխանություններին՝ դիմեք ՀԱՊԿ-ին, քանի որ դա տեղի կունենա, և դուք չեք կարող գլուխ հանել դրանից", - ասում է Մինասյանը։
Письмо генсека ОДКБ секретарю Совбеза Армении
Հարկ է հիշեցնել, որ 44-օրյա պատերազմի ժամանակ բոլոր կողմերից Նիկոլ Փաշինյանին ՀԱՊԿ-ից օգնություն խնդրելու կոչեր էին հնչում, բայց Հայաստանի վարչապետը միայն պատերազմի ավարտի ժամանակաշրջանում դիմեց իր ռուս գործընկեր Վլադիմիր Պուտինին՝ առաջարկելով խորհրդակցություններ սկսել, երբ արդեն շատ ուշ էր։
Աղբյուրը՝ EADaily
