ВАГЕ ДАВТЯН: АЗЕРБАЙДЖАН ГОТОВ ВЕРНУТЬСЯ К ЗАКУПКАМ РОССИЙСКОГО ГАЗА, ПОКА АРМЕНИЯ ОБСУЖДАЕТ АЛЬТЕРНАТИВЫ
Ադրբեջանը մտադիր է վերսկսել ռուսական գազի գնումները «Գազպրոմից»։ Այս մասին հայտարարել է Ադրբեջանի պետական նավթային ընկերության (SOCAR) փոխնախագահ Էլշադ Նասիրվը։ Այս հանգամանքի վրա ուշադրություն է հրավիրել քաղաքական վերլուծաբան Վահե Դավթյանն իր Telegram-ալիքում հրապարակած գրառմամբ։
Դավթյանի գնահատմամբ՝ Բաքվի մտադրությունները ուշագրավ են՝ հաշվի առնելով, որ Ադրբեջանն ունի սեփական գազի պաշարներ և ձգտում է մեծացնել արտահանումը Եվրոպա։ Նրա նշած տվյալների համաձայն՝ Ադրբեջանը պարտավորվել է մինչև 2027 թվականը եվրոպացի սպառողներին մատակարարվող գազի ծավալը հասցնել տարեկան 20 միլիարդ խորանարդ մետրի։
Դավթյանի կարծիքով՝ ռուսական գազի հնարավոր ներկրումը բխում է Ադրբեջանի տնտեսական շահերից․ այն թույլ կտա բավարարել ներքին պահանջարկը՝ միաժամանակ պահպանելով արտահանման ծավալները։ Այս ֆոնին վերլուծաբանը ուշադրություն է հրավիրում Հայաստանի իշխանությունների քաղաքականության վրա, որոնք խոսում են ռուսական գազից կախվածությունը նվազեցնելու և մատակարարման այլընտրանքային աղբյուրներ գտնելու մասին՝ այդ թվում՝ Ադրբեջանից։
«Ադրբեջանը, սեփական գազի պաշարներ ունենալով հանդերձ, պատրաստ է ռուսական գազ գնել՝ առաջնորդվելով տնտեսական շահերով։ Հայաստանը, սեփական գազ չունենալով, քննարկում է ռուսականից հրաժարվելու հնարավորությունը», — նշում է Դավթյանը։
Վերլուծաբանն առանձին անդրադառնում է նաև Հայաստանի իշխանությունների հռետորաբանության հնարավոր փոփոխությանը՝ այն կապելով «Ռոսատոմի» ղեկավար Ալեքսեյ Լիխաչովի և «Ռուսական երկաթուղիներ» ընկերության ղեկավար Օլեգ Բելոզյորովի՝ Հայաստան կատարած այցերի հետ։ Նրա ենթադրությամբ՝ այդ հանդիպումներից հետո Հայաստանի իշխանությունների հակառուսական հռետորաբանությունը կարող է աստիճանաբար մեղմվել։
