ՄԻՔԱՅԵԼ ՍԱՐԳՍՅԱՆԸ ԱՀԱԶԱՆԳՈՒՄ Է․ ՀԱՅԱՍՏԱՆԸ ԿԱՆԳՆԱԾ Է ՊԵՏԱԿԱՆ ԿՈՐԾԱՆՄԱՆ ԵԶՐԻՆ

Ռուսաստանաբնակ բժիշկ Միքայել Սարգսյանը իր տեսաուղերձով հանդես եկավ՝ բարձրաձայնելով Հայաստանի շուրջ ստեղծված ներքաղաքական և արտաքին քաղաքական լարված իրավիճակի վերաբերյալ իր խիստ մտահոգությունները։

Սարգսյանն իր խոսքում նախ արձանագրում է, որ, իր գնահատմամբ, Հայաստանը վերջնականապես ներքաշվել է աշխարհաքաղաքական խոշոր բախման մեջ՝ հայտնվելով արևմտյան և տարածաշրջանային գերտերությունների հակադրության կիզակետում։ Նա հարց է բարձրացնում, թե ինչու է Հայաստանի իշխանությունը որդեգրել այնպիսի քաղաքականություն, որը կարող է միաժամանակ թշնամացնել երկրի համար կենսական նշանակություն ունեցող երկու պետությունների՝ Ռուսաստանի և Իրանի հետ հարաբերությունները։ Բժիշկը հատկապես վտանգավոր է համարում այն հանգամանքը, որ, իր խոսքով, Երևանը վերածվել է հակառուսական հայտարարությունների հարթակի, ինչը, ըստ նրա, կարող է Հայաստանի համար կործանարար հետևանքներ ունենալ։

Տեսաուղերձում Միքայել Սարգսյանը շեշտում է նաև, որ գործող իշխանությունների արտաքին քաղաքական քայլերը, իր համոզմամբ, միտված են եղել տարածաշրջանից ռուսական ազդեցության դուրսմղմանը՝ դրա դիմաց վճարելով ազգային ծանր կորուստներով։ Նա հիշատակում է Արցախի կորուստը, Տավուշի հատվածներում տեղի ունեցած զիջումները և նշում, որ այս ամենը ներկայացվել է որպես «ռուսական ազդեցությունից ազատվելու» քաղաքականություն։ Սարգսյանի կարծիքով՝ այժմ վտանգված է նաև հայ-ռուսական ռազմավարական անվտանգության վերջին հենասյուներից մեկը՝ սահմանային ներկայությունն ու ռուս-թուրքական պայմանագրային համակարգը, որի խաթարումը, նրա համոզմամբ, Հայաստանը կարող է թողնել լիովին անպաշտպան վիճակում։

Доктор Саргсян подвергает жёсткой критике и курс, проводимый премьер-министром Николом Пашиняном, заявляя, что эта политика служит исключительно сохранению личной власти и не имеет ничего общего с национальными интересами. По его словам, власть превратила Армению в территорию обслуживания внешних геополитических интересов, будучи готовой идти на любые уступки ради продления собственного существования. Саргсян убеждён: подобный путь неизбежно ведёт к дальнейшему разрушению армянской государственности.

Սակայն նրա քննադատության թիրախում միայն իշխանությունը չէ։ Միքայել Սարգսյանը նույնքան կոշտ գնահատականներ է տալիս նաև խորհրդարանական և արտախորհրդարանական ընդդիմությանը՝ պնդելով, որ վերջին հինգ տարիներին նրանք ոչ միայն չեն կարողացել կանգնեցնել իշխանության, իր բնորոշմամբ, «դավաճանական քայլերը», այլև իրենց մասնակցությամբ լեգիտիմացրել են բոլոր գործընթացները։ Նրա համոզմամբ՝ ընդդիմադիր ուժերը, որոնք այսօր պատրաստվում են հերթական ընտրություններին, նախ պետք է պատասխան տան հասարակությանը, թե ինչ են անելու, եթե կրկին արձանագրվի ընտրական կեղծիք կամ գործող իշխանությունը վերարտադրվի։

Սարգսյանը հատուկ շեշտադրում է անում այն հարցի վրա, որ, ըստ իրեն, հասարակությունը չպետք է աջակցի որևէ քաղաքական ուժի, որը նախապես հստակ և գրավոր չի պարտավորվի՝ Նիկոլ Փաշինյանի հնարավոր վերարտադրման դեպքում չմասնակցել նրա ձևավորելիք խորհրդարանին և չլեգիտիմացնել նոր քաղաքական ցիկլը։ Նրա կարծիքով՝ ընտրություններին մասնակցելն առանց նման սկզբունքային դիրքորոշման նշանակում է հերթական անգամ դառնալ պետական կործանման մասնակից։

Տեսաուղերձի ավարտին բժիշկ Միքայել Սարգսյանը կոչ է անում հանրությանը ամենօրյա, համատարած ճնշում գործադրել քաղաքական բոլոր դերակատարների վրա, պահանջել հստակ պատասխաններ և չտրվել ձևական ընտրական գործընթացների պատրանքին։ Նա պնդում է, որ այսօր Հայաստանի առաջ ծառացած հարցը պարզապես իշխանափոխության կամ ընդդիմադիր պայքարի խնդիր չէ, այլ պետականության պահպանման վերջին փորձությունը, որտեղ յուրաքանչյուր լռություն կամ անորոշություն կարող է ճակատագրական դառնալ։