Գազետա.ռու. Հայտնի է դարձել, թե ով է պատրաստ կառավարել Հայաստանի և Ադրբեջանի միջև տրանսպորտային միջանցքը
16.07.2025. Գազետա.ռու-ն գրում է.
Փաշինյան. Հայաստանը տրանսպորտային միջանցքը կառավարելու վերաբերյալ առաջարկ է ստացել ԱՄՆ-ից:
Երևանը Հայաստանի և Ադրբեջանի միջև տրանսպորտային միջանցքը կառավարելու վերաբերյալ առաջարկ է ստացել Միացյալ Նահանգներից ։ Այս մասին հայտարարել է հանրապետության վարչապետ Նիկոլ Փաշինյանը, հաղորդում է ՏԱՍՍ-ը։
«Հիմա այդ առաջարկն ամերիկյան է, և մենք քննարկում ենք այդ առաջարկը, հետաքրքրված ենք այդ առաջարկով: Կարո՞ղ եմ ասել, որ մենք այս պահին համաձայնություն ունենք, չեմ կարող ասել, կարո՞ղ է լինել համաձայնություն, կարող է»,- ասել է նա։
Փաշինյանը նաև հայտարարել է, որ Հայաստանի իշխանությունները չեն բացառում, որ Ադրբեջանի հետ խաղաղության համաձայնագրի շրջանակներում տրանսպորտային ենթակառուցվածքները կառավարելու համար անհրաժեշտ կլինի ստեղծել մասնավոր ընկերություն։
Հուլիսի 10-ին Փաշինյանը և Ադրբեջանի նախագահ Իլհամ Ալիևը բանակցություններ են վարել ԱՄԷ մայրաքաղաք Աբու Դաբիում։
Ըստ մամուլի հաղորդագրության, կողմերը հաստատել են, որ երկկողմ բանակցությունները հարաբերությունների կարգավորման գործընթացին վերաբերող բոլոր հարցերը հասցեագրելու ամենաարդյունավետ ձևաչափն են, և այդ հիմքով պայմանավորվածություն է ձեռք բերվել շարունակել արդյունքին միտված այդպիսի երկխոսությունը:
