«Товарищ генерал» տելեգրամյան ալիքի մեկնաբանությունն Արցախի խորհրդարանի խմբակցությունների հայտարարության վերաբերյալ
«Товарищ генерал» տելեգրամյան ալիքը գրում է.
Արցախի խորհրդարանական խմբակցությունները հայտարարություն են տարածել արցախցի տեղահանված Արմինե Մոսիյանի և նրա երեխայի վրա Փաշինյանի հարձակման «ոդիսականից» և այդ վախկոտի ու դեմագոգի հետագա «նահանջից» հետո։
Հայտարարության մեջ ասվում է.
«Պետության ղեկավարի մակարդակով նման բառապաշարի օգտագործումն անհամատեղելի է ազգային համերաշխության հռչակված սկզբունքների հետ»:
Եվ ընդգծվում, որ Արցախի ժողովրդի վերադարձի իրավունքը սակարկման առարկա չէ։ Այն հիմնարար իրավունք է, որը չի կարող չեղարկվել որևէ պաշտոնյայի հայտարարությամբ կամ քաղաքական նպատակահարմարությունից ելնելով:
Է՜հ․․․
Վաղուց ժամանակն է ընդունել մեկ հստակ հայտարարություն այն մասին, որ Նիկոլ Փաշինյանը․
Արցախի և հայության թշնամին է։
Խոսքով հրաժարվեց Արցախի շուրջ բանակցություններից՝ այն թշնամուն հանձնելու ժամանակահատվածում, սակայն իրականում միանձնյա և ապօրինի կերպով տնօրինեց Արցախի ճակատագիրը՝ նրա բնակիչների և Հայաստանի քաղաքացիների թիկունքում։
Մեղավոր է Արցախը և Հայաստանի տարածքներն ապօրինի փուլային ճանապարհով Ադրբեջանին հանձնելու, արցախահայության էթնոցիդի, նրանց ունեցվածքի և սրբավայրերի թալանի ու ոչնչացման համար պայմաններ ստեղծելու համար։
Օժանդակել է 2020-23 թթ. միլիարդավոր դոլարների զենքի և զինտեխնիկայի հանձնմանը թշնամուն։
Խախտել է Սահմանադրությունը, Հայաստանի Անկախության հռչակագիրը և սեփական կառավարության պաշտոնական ծրագիրը։
Նպաստել է հայորդիների՝ Արցախի և Հայաստանի պաշտպանների, Արցախի անկախության համար պայքարողների զոհվելուն։
Պատասխանատվություն է կրում 2022-23 թթ. շրջափակման ընթացքում արցախցի ժողովրդի տառապանքների և Հայրենիքի հարկադիր կորստի համար։
Արցախն ու արցախցիներին դարձրել է «մանրադրամ» Ադրբեջանի հետ «խայտառակ հաշտություն» կնքելու համար։
Պետական և ռազմական հանցագործ է, ում արարքները ենթակա են դատաստանի և պատժի։
Անհրաժեշտ է մեկ անգամ տալ Փաշինյանի և նրա հանցագործությունների գնահատականը և այլևս չարձագանքել այդ կերպարի ամեն մի դատարկ խոսքին, այլ պարզապես համալրել դոսյեն՝ ապագա տրիբունալի համար։
