Արմեն Սարգսյանի երկքաղաքացիության գործը

05.10.2025. Sputnik Արմենիան գրում է.:

«ՀՀ նախկին նախագահ Արմեն Սարգսյանի երկքաղաքացիության գործով նախաքննությունը դեռևս շարունակվում է»,- Sputnik Արմենիայի հարցմանն ի պատասխան՝ հայտնել են Քննչական կոմիտեից։

Արմեն Սարգսյանը հրաժարական տվեց 2022 թվականի հունվարին։ Ավելի ուշ Hetq-ը հաղորդեց, որ նախկին նախագահն ունի Սենթ Քիթս և Նևիսի քաղաքացիություն։ ՀՀ ԱԱԾ-ն քննություն սկսեց, այնուհետ գործն ուղարկվեց ՔԿ:

24.01. 2022 թ. Hetq.am-ի հոդվածում որպես վարկած նշվում է, որ նախկին նախագահ Արմեն Սարգսյանի հրաժարականը պայմանավորված է նրա օտարերկրյա քաղաքացիությամբ.

«Փաստն այն է, որ Արմեն Սարգսյանը Սենթ Քիթս և Նևիսի քաղաքացիությունից հրաժարվելու պաշտոնական գործընթացը սկսել է 2018 թ.-ի մարտին նախագահ ընտրվելուց ոչ շատ շուտ։ Այս պարագայում Սահմանադրությամբ նա չէր կարող նախագահ ընտրվել։ Նրա ստորագրած բոլոր հրամանագրերը, այդ թվում՝ օրենքները, պաշտոնյաների նշանակումները, ընտրությունները, նույնիսկ վարչապետի նշանակումը, հակաօրինական են»։

«Նախագահ Արմեն Սարգսյանը, հավանաբար, Հայաստան չի վերադառնա, քանի որ կարող է քրեական պատասխանատվության ենթարկվել փաստաթուղթ կեղծելու հիմքով»,- գրված է Hetq.am-ի հոդվածում:

Արդեն 25.01.2022 թ. Hetq.am-ը հայտնել է, որ Գլխավոր դատախազի խորհրդական Գոռ Աբրահամյանի խոսքով, ՀՀ նախագահ Արմեն Սարգսյանի՝ փաստացի բրիտանական քաղաքացիության վերաբերյալ հրապարակումը (Սենթ Քիթս և Նևիսը Մեծ Բրիտանիայի ենթամանդատային տարածք է) Գլխավոր դատախազությունն ուղարկել է Ազգային անվտանգության ծառայություն՝ ուսումնասիրելու:

«Նկատի ունենալով, որ Արմեն Սարգսյանի քաղաքացիության հարցի առնչությամբ դեռևս 2021թ. ապրիլին ՀՀ քրեական օրենսգրքի 325-րդ հոդվածի հատկանիշներով հարուցվել է քրեական գործ, որը ներկայում գտնվում է ՀՀ ԱԱԾ-ում, «Հետք» էլեկտրոնային պարբերականի տվյալ հրապարակումն ուղարկվում է վարույթն իրականացնող մարմնին՝ դրանում նշված հանգամանքները նշված քրեական գործի շրջանակներում ստուգման առարկա դարձնելու նպատակով»,- Գոռ Աբրահամյանի խոսքերը մեջբերում է Hetq.am-ը:

Ավելի վաղ Հայաստանի Հանրային տրիբունալը նշել էր, որ Սերժ Սարգսյանի կողմից Հայաստանի նախագահ նշանակված Մեծ Բրիտանիայի քաղաքացի Արմեն Վարդանի Սարգսյանն օրինականացրել է անօրինական բողոքի ցույցերը բեմականացված իշխանազավթման ժամանակ: Արմեն Սարգսյանի ֆորմալ ընտրությունը, բայց փաստացի նշանակումը կատարվել է ՀՀ Սահմանադրության պահանջների խախտմամբ (համաձայն ՀՀ Սահմանադրության 124-րդ հոդվածի 2-րդ կետի)։