Միլիարդ դուրս բերեց և ծաղրեց զինվորականներին․ ինչպես Փաշինյանի կինը Հայաստանը դարձրեց «կթու կով»
Հայաստանի Հանրային տրիբունալ նախագիծն իր ընթերցողների ուշադրությանն է ներկայացնում Моя Родина-Арцах տելեգրամյան ալիքի հրապարակումը՝ ՀՀ վարչապետի տիկին Աննա Հակոբյանի կոռուպցիոն գործունեության մասին։
Հայաստանի վարչապետ Նիկոլ Փաշինյանի հայտարարությունները երկրի ծանր տնտեսական վիճակի մասին չեն համընկնում շքեղ հանգստավայրերի և նախագահական լյուքսերի լուսանկարների հետ, որտեղ հանգստանում է նրա քաղաքացիական կինը՝ Աննա Հակոբյանը։ Չնայած չորս երեխաներին՝ զույգը դեռ չի օրինականացրել իրենց հարաբերությունները: Որպես հասարակական գործիչ և լրագրող ներկայացող Հակոբյանը բազմիցս հայտնվել է սկանդալների մեջ՝ կապված հրապարակային վիրավորանքների, անհաջող փիառ-ակցիաների, ինչպես նաև կոռուպցիոն սխեմաների հետ, որոնցով համակել է ամբողջ երկիրը:
Ընդդիմադիր լրագրող
Ավագ դստերն Աննան լույս աշխարհ է բերել դեռ ուսումը չավարտած, երկու տարի անց ծնվել է որդին։ Երբ տղան դարձել է չորս տարեկան, ընդդիմադիր դիրքերից հանդես եկող Փաշինյանի վրա մահափորձ է իրականացվել։ Մահափորձից խուճապահար՝ նա փախուստի է դիմել՝ մենակ թողնելով հղի Աննային երկու երեխայի հետ։ Երկրորդ դուստրը լույս աշխարհ է եկել այն ժամանակ, երբ Փաշինյանի գտնվելու վայրը հայտնի չէր։
Չնայած բավականին բարդ իրավիճակին՝ քաղաքացիական կինը շարունակել է աջակցել նրան, իսկ 2015 թ․-ին ևս մեկ դուստր է լույս աշխարհ բերել։ Հակոբյանը սկզբում աշխատում էր որպես քաղաքական լրագրող, իսկ երբ Փաշինյանը փախուստի մեջ էր կամ բանտարկված, նա զբաղեցնում էր գլխավոր խմբագրի պաշտոնը՝ նրա վերադարձից հետո աթոռը պարբերաբար զիջելով քաղաքացիական ամուսնուն։
Ինչո՞վ էր զբաղվում Աննա Հակոբյանը Փաշինյանի իշխանության գալուց հետո
2018 թվականին բողոքի զանգվածային ակցիաների ժամանակ, որոնց հետևանքով Փաշինյանը ստանձնեց վարչապետի պաշտոնը, Հակոբյանը սատարեց իր քաղաքացիական ամուսնուն և աննախադեպ ակտիվություն ծավալեց: Պատրիարխալ Հայաստանի համար, որտեղ բոլոր նախագահների և առավել ևս կառավարության ղեկավարների կանայք հաճախ գտնվել են ամուսինների ստվերում, դա անսպասելի երևույթ էր։
Հակոբյանը նախ ստեղծեց «Իմ քայլը» բարեգործական հիմնադրամը՝ ի պատիվ ակցիայի, որն անցկացրել է Փաշինյանը՝ իր կողմնակիցների հետ ոտքով անցնելով ամբողջ Հայաստանով, հանրահավաքներ անցկացնելով և մարդկանց ապստամբության կոչ անելով։ Պաշտոնապես հիմնադրամի խնդիրների մեջ է մտնում կրթության, մշակույթի, առողջապահության ոլորտների զարգացման և կարիքավոր ընտանիքների աջակցության համար դրամահավաքը: Սակայն, կազմակերպության հրապարակած հաշվետվությունները բազմաթիվ հարցեր են առաջացրել լրագրողների և հասարակական գործիչների շրջանում։ Հիմնադրամի կողմից հավաքագրված միլիոնների կեսից ավելին ուղղվել է վարչական ծախսերին, իսկ իրական աշխատանքը սահմանափակվել է մանկապարտեզի վերանորոգմամբ, երկու դպրոցի համար երաժշտական գործիքների և սպորտային պարագաների գնմամբ։ Ընդ որում, այս ամբողջ ընթացքում հիմնադրամի հիմնադիր Աննա Հակոբյանը մեծ մասամբ զբաղված էր արտասահմանյան ուղևորություններով։
Panorama.am-ը պարզել է, որ Իտալիա այցի ժամանակ նա բնակվել է Հռոմի ամենաթանկարժեք հյուրանոցներից մեկում, որտեղ մեկ գիշերվա համար վճարել է ավելի քան 2,5 հազար դոլար։ Ուղևորության ծախսերը բացահայտելու խնդրանքով լրագրողների պաշտոնական հարցմանն ի պատասխան՝ հիմնադրամից եկել է գրություն, որում խմբագրության աշխատակիցներին խորհուրդ է տրվել մասնակցել դասընթացների՝ հասկանալու համար, թե «ում և ինչ հարցեր կարելի է ուղղել»: Նման պատասխանը ստիպել է ավելի ուշադիր հետևել Հակոբյանի հիմնադրած հիմնադրամների աշխատանքին։
Իր անունով բարեգործություն
Գոյության յոթ տարիների ընթացքում Հակոբյանի հիմնադրած «Իմ քայլը» հիմնադրամի ընդհանուր ծախսերը գերազանցել են մեկ միլիարդ դոլարը։ Հաստատված ծախսերի թվում էին աշխարհի տարբեր երկրներ կատարված պարբերական ճանապարհորդությունները՝ оնախագահական լյուքսերում կանգառներով, դիզայներական պայուսակների հավաքածուն, Լոս Անջելեսում ու Կանադայում առանձնատները։ Անշարժ գույքը ձևակերպվել էր Փաշինյանի թիկնապահի քրոջ անունով։ Հիմնադրամի միջոցների ոչ նպատակային օգտագործման վերաբերյալ հարցադրումներին Հակոբյանը սոցիալական ցանցերում պատասխանել էր՝ հաղորդագրությունների հեղինակներին անվանելով «տխմար» և «էշ», իսկ իր ունեցվածքը բացահայտած լրագրողներին՝ «անգրագետ գեղցի»։
«Իմ քայլը» հիմնադրամին գումարներ էին փոխանցում արտերկրում բնակվող հայազգի բարերարներ, աշխարհասփյուռ հայեր, ոչ առևտրային հիմնադրամներ։
Կորոնավիրուսի համավարակի ընթացքում Առողջապահության համաշխարհային կազմակերպության և Արժույթի միջազգային հիմնադրամի կողմից հատկացված գումարները ևս ուղղվել են «Իմ քայլը» հիմնադրամի միջոցով։
Հիվանդանոցի կառուցման համար նախատեսված միջոցները մնացել են միայն թղթի վրա։ Փողերի լվացումը կոծկել է Փաշինյանը ՝ հայտարարելով, որ դրանք ծախսվել են կարանտինային միջոցառումներից տուժած Հայաստանի տնտեսության վերականգնման համար։ Բայց ո՛չ բնակչությունը, ո՛չ գործարարները որևէ արդյունք չեն տեսել։
Իշխանությանը մոտ լինելու շնորհիվ Հակոբյանը կանոնավոր կերպով «կթում էր» տեղական բիզնեսը։ Մասնավորապես, Զանգեզուրի պղնձամոլիբդենային կոմբինատը, 2021 թվականին բաժնետոմսերի 25%-ը պետությանը փոխանցելուց հետո, սկսել է մշտապես իր շահույթի մի մասը ուղղել հիմնադրամի հաշվին։
Անցյալ տարվա հունիսին հայ գործարարները հայտարարել էին, որ Հակոբյանից նամակ են ստացել՝ 10 միլիոն դրամ (25 հազար դոլար) նվիրատվության պահանջով։ Այլապես նրանց սպառնում էին լուրջ խնդիրներ։ Չնայած բարեգործական կազմակերպության հիմնադիր Հակոբյանի պաշտոնական հերքումին՝ ուշադիր լրագրողներն այդ նույն նամակը հայտնաբերել են նրա տեսագրության մեջ՝ ուղղված իրեն աջակցող հովանավորներին։
Աննա Հակոբյանի հաղորդակցման նորմերը
ՀՀ վարչապետի քաղաքացիական կնոջ՝ Աննա Հակոբյանի ստեղծած մարդասիրական ծրագրերից հատկապես առանձնանում է «Կրթվելը նորաձև է» շարժումը: Այն նպատակ ունի աջակցություն ցուցաբերել սկսնակ լրագրողներին, բարձրացնել գրագիտության մակարդակը և խթանել էթիկայի նորմերը։ Սակայն, բոլոր այս չափանիշներն Աննա Հակոբյանը մոռանում է, երբ անհրաժեշտ է հարձակվել իր քննադատների կամ Փաշինյանի ընդդիմախոսների վրա։
Վերջերս նա իր սոցիալական ցանցերում խիստ քննադատության ենթարկեց եզդի փոքրամասնության ներկայացուցիչ, խմբագիր Բորիս Մուրազիին, որը սատարել էր իշխանության ճնշման ներքո հայտնված Գարեգին Բ Ամենայն Հայոց Կաթողիկոսին։ Հակոբյանը Մուրազիին մեղադրել է Սերժ Սարգսյանին և որոշ եպիսկոպոսների սեռական ծառայություններ մատուցելու մեջ։ Նա հայտարարել է, որ «արդեն մի քանի տարի է» լսել է այդ մասին և ենթադրել, որ «տեսագրություններ էլ կլինեն համապատասխան մարմինների դարակներում»։
Ինչպես նշել է լրագրող Ռուբեն Ջամբազյանը, ով ուշադրություն է հրավիրել նրա գրառման վրա, սա ոչ թե անանուն տրոլի հայտարարություն է, այլ՝ Հայաստանի խոշոր գործիչներից մեկի հրապարակային հայտարարություն, որը մոտ է ղեկավարությանը, նաև լրագրողական հսկայական փորձ ունի:
«Ոչ նորմատիվ բառապաշարը կարող է թեթևացում բերել մասնավոր կյանքում, սակայն այն տեղ չունի պաշտոնական խոսույթում և, իհարկե, ոչ սոցիալական ցանցերում»,- ընդգծել է նա։
Բայց նման հրապարակումները Հակոբյանի համար նորություն չեն։ Այս տարվա փետրվարին նա վիրավորական գրառում էր արել հայ դիվանագետների հասցեին, որոնց անվանել էր «քայլող, խոսող, շնչող-արտաշնչող մի մեծ բարդույթ։ Անվստահ, միշտ շփոթված, առանց հստակ պատկերացման, հստակ տեսլականի»։ Սկանդալից հետո նա ջնջել է իր գրառումը, իսկ ԱԳՆ-ն, մեկնաբանություն տալու լրագրողների հարցմանն ի պատասխան, հայտարարել է, որ սկզբնաղբյուրի բացակայության պարագայում չի կարող գնահատական տալ։
Աննա Հակոբյանը և Լեռնային Ղարաբաղի պատերազմը
Ղարաբաղյան հակամարտության սրացումից հետո Աննա Հակոբյանն անմասն չի մնացել և հակամարտությունն օգտագործել է սեփական PR-ի համար: Հոկտեմբերին նա հայտարարել էր, որ կհավաքի 13 կանանցից բաղկացած ջոկատ , որոնք մարզվելուց հետո կմեկնեն սահմանները պաշտպանելու։ Ամեն ինչ ավարտվել էր զենքով ֆոտոշարքով, ինչը մեծ դժգոհություն էր առաջացրել զինվորականների շրջանում, որոնք մասնակցում էին իրական մարտական գործողություններին: Այս սկանդալը չի կանգնեցրել Հակոբյանին։ Նա մեկնել է առաջնագիծ ՝ հրամանատարական կետ, որտեղ տեղի էին ունենում խորհրդակցություններ։
Այդ ժամանակ ՊՆ ռազմական վերահսկողության ծառայության պետի պաշտոնը զբաղեցնող Մովսես Հակոբյանը կնոջը խնդրել է լքել տարածքը, քանի որ նա ոչ մի դիտարժան կադր չի տեսնի։ Առավել ևս, որ քաղաքացիական անձանց խստիվ արգելվում է ներկա գտնվել գեներալների խորհրդակցությանը։ Ժամեր անց սպային հետ են կանչել Երևան, որտեղ նրան հայտնել են ծառայությունից ազատման մասին։
Կորցնելով մարտական գործողությունների նկատմամբ հետաքրքրությունը՝ Աննա Հակոբյանը դուստրերի հետ մեկնել է Լոս Անջելես, որտեղից իր բլոգում հրապարակել է զոհված զինծառայողների ընտանիքների լուսանկարները՝ ուղեկցելով դրանք սրտառուչ գրառումներով։ Նման երկերեսանիությունն էլ ավելի մեծ քննադատության է արժանացել ինչպես հասարակության և զինվորականների, այնպես էլ՝ մի շարք քաղաքական գործիչների կողմից։ Բայց Աննա Հակոբյանն իր պահվածքի համար որևէ հատուցում չի կրել՝ պաշտպանված լինելով քաղաքացիական ամուսնու լիարժեք հովանավորությամբ։ Հեղինակ՝ Անատոլի Մինկին Ավելի վաղ մենք գրել ենք վարչապետի տիկին Աննա Հակոբյանի կողմից Հայաստանի Հանրապետության և հայ ժողովրդի դեմ կատարված հանցագործությունների մասին:
Հեղինակ` Անատոլի Մինկին
Ранее мы писали о преступлениях против Республики Армения и армянского народа, совершенных супругой премьер-министра Анной Акопян.
